| |
 |
| ''Quickie''-kompetisie: Troubelofte |
Kleinjan
Hy het vir ’n versekeringsfirma in Commissionerstraat gewerk. Sy was ’n sekretaresse by ’n reklamefirma op die hoek van Rissikstraat. Hulle het elke etensuur dieselfde kruising by Markstraat oorgesteek om middagete by die toebroodjie-kafee te koop.
Hy’t eerste gegroet. Sy het selfbewus teruggegroet.
Maande het groet-groet gesprekloos verbygegaan.
Op ’n dag fluister hy moedig: "Jy ruik heerlik" toe hy vir sy toebroodjie wag. Sy draai gemaak-vererg om en wys haar vinger vir hom. Hy soen haar hand en vra: "Wanneer wil jy trou?"
Hulle is nie terug kantoor toe nie, maar na haar woonstel in Hillbrow.
Hy is verlede jaar na dieselfde hemel toe waar sy ná 51 gelukkige saamweesjare vir hom gaan wag het.
Reageer: webvoet@litnet.co.za
| Respond: speakeasy@litnet.co.za
|
|
|
