Leefstyl | Lifestyle > Kos & Wyn | Food & Wine > LitNet Virtuele Wyngemeenskap > Wynnuus

<< Terug | Back

2009-08-20

Druk dit/Print it

Proe uitmuntende wyne, ontmoet van Suid-Afrika se top wynmakers en maak ‘n aanbod op eksklusiewe versamelaarswyne tydens ‘n Stille Veiling by die 2009 Nedbank Kaapse Wynmakersgilde Showcase wat plaasvind op Donderdag, 20 Augustus by die Kaapse Internasionale Konferensiesentrum (KIKS).

Die bekende jazz-groep Breakfast Included sal jou hart se snare tokkel terwyl jy die 2009 Nedbank Kaapse Wynmakersgilde wyne, so wel as keldertrotswyne van lede van die Gilde proe. Maak  dan ‘n aanbod tydens die Stille Veiling op skaars, eksklusiewe wyne van vorige Gilde Veilings, geteken deur die wynmaker self. Hierdie besonderse wyne wat anders onbekombaar is, sluit ‘n Boekenhoutskloof CWG Syrah 2005 en ‘n Overgaauw CWG Cape Vintage Reserve 1998 in, wyne wat slegs in ‘n private wynversameling te vinde is.

Daar sal ook heerlike oesters, soesji en wraps te koop wees by die Showcase om te verseker dat wynentusiaste die aand behoorlik kan geniet.

Die wyne wat alleenlik verkry kan word tydens die Gilde se Veiling in Oktober, word puntenerig gekies deur die lede van die Gilde tydens ‘n blinde proe en slegs wyne wat tegniese uitnemendheid en uitstekende verouderingspotensiaal vertoon, word gekeur. Hierdie deurdagte proses verseker dat elke wyn wat met die Kaapse Wynmakersgilde etiket pronk, waarlik ‘n wyn van uitmuntende kwaliteit is.

Die Stille Veiling vind plaas ten bate van die Nedbank Kaapse Wynmakersgilde Ontwikkelingstrust. Die Trust wat gestig is in 1999, help met die opleiding en bemagtiging van jongmense afkomstig van voorheen benadeelde gemeenskappe in die wynbedryf en sluit die Gilde se Protégé-program in wat jong, toekomstige wynmakers ondersteun.

Die Nedbank Kaapse Wynmakersgilde Veiling vind plaas op Saterdag, 3 Oktober om 09h00 by die Spier Konferensiesentrum in die Stellenbosch Wynland. Die Veiling is oop aan die publiek en voornemende kopers wat nie die veiling op die dag kan bywoon nie, kan vooruit by die Gilde registreer en gebruik maak van hulle telefoniese en gevolmagtigde biefasiliteite.

Die Kaapse Showcase begin om 18h00 – 21h00 op Donderdag, 20 Augustus by die KIKS. Die Johannesburg Showcase sal plaasvind op Donderdag, 27 Augustus by Die Atrium in Sandton. Kaartjies beloop teen R100 per persoon en sluit ‘n proeglas in. Vir bespreekings en meer inligting, skakel 021 852 0408, stuur ‘n e-pos aan bookings@capewinemakersguild.com of besoek www.capewinemakersguild.com. Kaartjies sal ook beskikbaar wees by die deur.

2009 Stille Veiling Wyne: