| Is die hand van Suid-Afrikaanse kritici te sag? Ons sagte hande |
Izak de Vries
Spasie in ons koerante is só beperk dat die essensie van ’n boek baie vinnig in ’n resensie moet oorkom.
Alle Suid-Afrikaanse uitgewers is boonop afhanklik van die “advertensiewaarde” van ’n resensie. As ons ’n digbundel stuur aan elke Afrikaanse koerant in die land, praat ons soms van twee persent van die drukoplaag wat weggegee word.
Lesers van boeke is intelligent. Daar is subtiele maniere om ’n leser opgewonde te maak oor ’n teks, of af te sit van ’n teks.
Resensente is mense. Ons kan ’n teks verkeerd lees. Ek vind egter ook dat dit belangrik is om die lesers – soos daardie wonderlike mense wat aan leeskringe behoort – iets te gee om aan te knibbel. Help hulle om te sien hier is iets ágter die teks.
Kommersiële uitgewers se begrotings is klein. Waarom dan ’n vrot boek uitgee?
As ons al bogenoemde in ag neem, is dit nie nodig om met lang messe rond te loop en boeke willens en wetens te slag nie. Ons moet bloot die lesers laat dink oor ’n teks. Hulle kan self besluit.
Boonop is daar altyd Crito wat darem ’n ogie oor ons hou!
<< Terug na invalsblad | Back to index <<
<< Terug na miniseminare | Back to mini-seminars <<
Reageer: webvoet@litnet.co.za
| Respond: speakeasy@litnet.co.za
|
